【Now財經台】騰訊控股(00700)係昨日(22日)最多資金流入好倉嘅個股，有逾940萬元，股價近日走勢同大市差唔多，連升4個交易日後，今早(23日)再高開0.7%後，升幅一度擴大至1.7%，高見535元。過去兩日，好淡倉都有資金流入，但暫時已經5連升，多唔多資金反手造淡？熱門CALL/PUT到期日大部分唔夠100日，槓桿最高14倍，應該點揀好？
星展香港環球金融市場上市產品策略師鍾宛婷指，今朝仍有唔少資金部署騰訊好倉，ATMX之中，騰訊及小米集團(01810)股價相對悶啲，始終冇一啲重要消息，但另一方面亦冇利淡消息，近日小米股價升返少少，騰訊仍冇乜郁之下，流入騰訊好倉嘅資金多咗，博今輪由佢推升大市。
佢又話，今朝港股繼續向上，騰訊都有少少想向上突破橫行區嘅跡象，產品方面，可以考慮...
