【Now財經台】李寧(02331)昨日(14日)收市後出咗最新營運數據，第2季整體零售流水按年增長約1%，摩根大通認為，由於籃球類產品銷售跌20%，所以就算跑步及健身產品有增長，都補唔返條數，亦反映「618購物節」表現仍然差，摩通及摩根士丹利都睇淡下半年經營，李寧經營前景係咪真係咁差？
天風國際李偉傑指，NBA全明星賽下半年開鑼會對李寧有幫助，但值得留意係，產品係咪同市場所支持隊伍一樣都有影響，市場支持嘅NBA隊伍未必喺公司銷售層面上，相信公司要喺營運及銷售策略上做唔同嘅推廣，覆蓋層面更廣，先可以緊貼NBA或運動業潮流。
Jason又指，李寧店舖主要出現喺大型商場，但人流就麻麻，因為李寧產品現時比較集中喺部分消費群組身上，所以業績往往都係低單位數變化，如果可以做到多元化產品銷售推廣，向市場提供更多選擇，就可以吸引到更多客源，李寧想做出令人有驚喜嘅成績，可能要重新部署另一套市場營銷策略。
