【雷軍落場交付YU7】幫車主開埋門小米股價竟「死火」

【now.com.財經】小米集團(01810)上月底發布小米汽車首部SUV YU7後，短短1個鐘接超過8萬部定單，昨日(6日)就舉行交付儀式，董事長雷軍更親自「落場」交車。

雷軍喺微博發文，話YU7正式交付首批車主，又指「希望YU7陪伴每1位熱愛生活嘅你及你們，解鎖更多美好嘅體驗。」，而佢交車畀首批車主時都好有誠意及細心，幫車主開埋車門。

雖然雷軍交車落手落腳，但小米股價今日(7日)就「死火」，低開1%後，跌幅一度擴大至近2%，低見56.4元，最新報57元，暫時成交逾30億元。