【now.com財經】噚日無捉到指數，不過見隔晚美股繼續造好，條納指同歷史高位都只係爭17點，相信呢期大家都會做晒夜鬼炒美股，依家啲證券戶口買到美股已經係基本，篤隻QQQ入場就搞掂，執Call都慳返。
今朝指數開升125點，升24,451點，例牌指數高開之後稍為向下之後，過咗16分鐘喺五分鐘圖上已經框到個長方形出嚟，頂線位大約24,470/24,471點，底線見24,387/24,389點，84點range已經有戰友喺中間偷咗點數食咗架啦！
不過今朝最吸睛嘅應該都係隻小米(01810)，皆因噚晚小米YU7正式登場，今朝股價搶高8%破頂，，有戰友手上有隻小米Call過咗夜，有理無理，開市之後先食，反正呢兩三日港股都係炒股唔炒市。今日喺作戰室本來都mark住一啲位掟恒指牛熊，但mark極都唔到，望望鐘仲有兩分鐘就10點，作戰室裡面都未追擊條指數，所以今日選擇追隻Labubu(09992)。
日線圖上見Popmart股價於今日開始重新企得返上10/20線以上位置，而呢兩條線大約喺253/252元，即係如果你有正股嘅話，呢兩條線守得返係好事；咬緊少少嘅話，亦都可以用呢兩條線作為下方量度線。
至於小時圖方面，見股價籣6月20日裂口低開之後至今都一直Keep住上行，「上升通道」有築起同時底線亦都同20線重疊。
今朝股價隨大市低開後就剛好落到「上升通道」底線同條20線，之後借線回上所以喺小時圖先見到條下影線出現。作戰室Popmart call已經出咗，10點13分喺五分鐘圖上見股價於259元出平頂，10格Call先收亦已完成。
Popmart Call(17365)，行使價289.08元，同現價有13.45%價外距離，但行使價250.2元之後一下子就跳到上288.8元，仲要本身Popmart Call槓桿最多都係3倍幾，再喺當中再篩隻低街貨出嚟。作戰室依家等緊再追第二輪Popmart，最理想嘅係五分鐘圖10線上嚟比線佢踩住上；如昭破259元平頂位嘅話，怕且都係硬追。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
