【Now財經台】3隻新股今日(23日)齊齊掛牌，其中兩隻醫療股都有炒炸，當中又以B仔股藥捷安康(02617)表現明顯較好，股價一度被大幅掃高，較招股價13.15元，高逾82%，現價仲值唔值得追入？
博威環球證券金融首席分析師聶振邦指，公司主打研究嘅核心產品多靶點抑制劑進程良好，提高治死癌細胞有效程度，亦獲美國食品及藥品管理局(FDA)開快速通度，有望明年可商業化，由於有利啲好消息，股份就成為追捧對象。
聶Sir又話，雖然藥捷安康招股反應理想，更出現供不應求嘅情況，睇埋基石投資者部分，只有逾500萬股畀散戶認購，如果睇股價可以炒高1倍，即26.3元，較現價仍有14%，如果仍想高追博股價繼續向上，建議投資者小注買一至兩手。
