【Now財經台】中國證監會公布放寬上市公司重大資產重組，其中，中國旭陽集團(01907)出售滄州旭陽化工近80.5%股權，換取濱海能源對價股份，置換後濱海能源A股今日(19日)大升，但中國旭陽就要跌，點解會出現呢個情況？
《香港股票財技密碼》作者梁杰文指，中國旭陽唔使額外攞錢出嚟做重組，因為公司係賣家之一，出售化工業務攞返濱海股份，而濱海A股市值唔大，相信重組後中國旭陽會獲得濱海大部分股權。
Mike又話，依家滄洲化工處於收成期，有穩定收入，濱海仲停留喺研發期，產品亦未開始量產，依家兩邊重組互換，實際上將好資產注入濱海，所以股價今日大升，至於中國旭陽股價跌，相信同重組有關。
