【Now財經台】積極發展氫能相關業務嘅億華通(02402)股價今日(27日)大幅高開近15%後，升幅急速擴大，一度高見30元，勁升近42%，暫時成交股數較過去100日平均大增約40倍。
億華通A股今日停牌，公司開市前宣布，計劃發A股收購旭陽集團(01907)旗下附屬嘅氫能資產，雖然暫時未有披露交易作價，亦唔知要發幾多A股，但刺激繼續trade嘅H股大升。
雖然印股票買嘢冇乜成本，但目標資產質素會係億華通股價未來走勢關鍵，集團指，預期A股停牌唔會超過5個交易日，投資者要留意未來一個星期，公司會唔會進一步披露交易詳情。
