【now.com財經】先鳴謝我老友Fila喺上個星期五(5月16日)已經比定今日條稿嘅大題(如題)我，事關泡泡瑪特(09992)忠粉嘅佢，見到第二次染藍再大熱倒灶...算啦，留返下一季季檢時再炒過。
而上個星期五都有揀到Popmart Call出嚟，借小時圖畫住嘅「圓底」走勢FF仁會咁行，但出倉前題係要股價下得返上小時圖嘅10線先至出場。睇返呢個詭訊號完全無出過，所以Popmart Call其實係無條件出到場。
至於今日恒指見低開之後，雖然開市口價計指數擺位又再靠近返下方牛證街貨同，不過喺作戰室由小時圖至日線圖都度到有一個三線位可以疊加上去做支持嘅時侯，安全嘅就等指數過到線位之後先至出動。
恒指熊(55254)，收回價23,688點，同現價有約470點距離，槓桿35.2偯夠做Day Trade，依家9點54分見指數已經低走緊小時圖嘅50線，出到文之後到你再睇完嘅話應該係10點後嘅事，到時再睇返個小時圖，如果保歷加底線有見向下，或者整個通道口都有見拓闊的話，則保歷加都比位指數向下再行，同步地Slow STC(14.3)都有條件出超賣再超賣；否則搵定隻好倉做Swing啦！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
