【Now財經台】騰訊音樂(01698)昨晚(13日)出咗季績，上季多賺2倍至逾42億人仔，收市按年增長8.7%，毛利率升至44.1%，在線音樂訂閱收入按年增長逾16%，付費用戶按年增長8.3%，點睇今次呢份季績？揀股方面，跟同業網易雲音樂(09899)比較，邊隻更值博？
南華金融集團副總裁莫灝楠指，騰訊音樂整體業績正面，有人工智能(AI)配合提升效能，可以節省成本，集團亦同南韓企業合作推出周邊產品，對樂迷黏性高，消費者之後透過平台訂閱、購買周邊或演唱會門票，連帶公司收入和毛利率都可以上升。
Casper又話，集團平均每月每戶(ARPU)增長空間大，行業有慢慢加價嘅趨勢，呢方面對銷售有正面作用，但要留意「內捲」情況係咪好嚴重，睇市值網易雲音樂較細，但騰訊音樂市佔率較大，想要穩定唔會大幅波動可以考慮後者。
