【Now財經台】截至早上11時止，1小時內《彭博》用戶搜尋量最多港股，依次為港交所(00388)、領展房產基金(00823)、友邦保險(01299)、美團(03690)及泡泡瑪特(09992)。
近期市場對港交所有唔少憧憬，包括IPO市場愈來愈活躍，以及中概股來港上市，中證監亦表明撐優質中概股回歸A股及港股，港交所股價係咪可以繼續睇好？
資深證券分析師彭偉新指，市場對港交所睇法樂觀，其中1個主因係寧德時代快將在港掛牌，事實上，港交所今年第1季IPO集資額全球排行第2位，隨著寧德時代上市，港交所今年IPO集資額有望成為全球No.1，若未來陸續有中概股來港上市，新股上市收入勢大增，絕對有利港交所業績，而股票選擇多咗亦會刺激交投。
