【Now財經台】港股升勢持續，但泡泡瑪特(09992)股價暫時已連續兩日逆市向下，進一步下試10天線，CALL輪嘅條款有明顯分別，引伸波幅及輪價都有幾大差距，投資者應該點揀好？
星展香港環球金融市場上市產品主管周國威指，雖然泡泡瑪特股價近日冇跟大市反彈，但近1個月都跑贏大市，所以有唔少投資者都等緊入場機會，泡泡瑪特股價近日相對落後，有資金部署CALL輪博股價之後會突破200元關口。
條款方面，因為泡泡瑪特股價不斷破頂，輪商趕推價外CALL，新推出嘅CALL年期有半年或以上，行使價嘅價外幅度20%，甚至50%，呢類CALL槓桿約2倍至3倍，依家較多資金揀9月到期嘅CALL，行使價約220元，價外10%，槓桿約3倍，投資者要留意產品嘅引伸波幅穩定性。
