【股市脈搏】炒亞信科技睇實阿里雲

【Now財經台】同阿里雲加強合作嘅亞信科技(01675)，股價今日(6日)輕微高開後，升幅不斷擴大，午後一度高見11.02元，大升20%，收市報10.58元，升逾15%，升勢亦有成交配合，成交股數較過去100日同時段平均增2倍。

亞信科技不時因阿里雲有消息而有炒作，今日再受資金追捧，短期內走勢或會跟隨阿里雲相關消息行。

此外，最近內地券商睇好集團今年人工智能(AI)模型交付業務收入介乎2億至3億人仔，未來更會快速增長，投資者不妨留意後續發展，始終可唔可以轉化為盈利係估值重估嘅關鍵。