【Now財經台】內地電池龍頭寧德時代(CATL)已上載聆訊後資料集，意味已經通過上市聆訊，估計5月中就會開始招股，集資最少50億美元，折合約390億港元，有機會係繼2021年快手(01024)之後，本港最大型首次公開招股(IPO)，寧德時代招股反應係咪都會好熾熱？
長發資產管理董事馮時煖指，寧德時代本身已經喺深圳上市，今次來港掛牌係睇中香港擁有面向國際嘅平台，所以機構投資者會感興趣，佢估計，寧德時代IPO超額認購已冇懸念。
寧德時代喺A股上市，亦係深股通合資格股份，但由於係深圳創業板股份，喺依家嘅規例下，只准機構專業投資者透過深股通買賣，散戶有冇份參與，Alan認為機會唔大，因為...
