【Now財經台】小米集團(01810)SU7 4月交付量逾2.8萬架，罕有按月下跌，表現差過其他車企，但股價今早(2日)股價高開1%後，升幅一度擴大至逾4%，高見52.2元，衝上逾1個月高位。目前，市場上熱門CALL都比較短身，係咪反映投資者傾向做即市部署？
中信證券國際股權衍生品銷售經理李碧珊指，依家小米短身CALL多數係食糊盤，資金流方面，有部署小米好倉嘅投資者由較進取嘅條款，換馬至中長線條款，例如明年9月到期，行使價60元，唔會太過價外，實際槓桿約3倍。
Percy補充，小米4月交付量有機會受早前SU7出現交通意外消息影響，但小米指未來會開更多分店，以及推出大型語言模型，向市場大派定心丸，令資金由做短線部署轉為做中長線部署。
