【Now財經台】泡泡瑪特(09992)今早(30日)盤前有大手上板，據銷售文件顯示，有股東以每股192.95元減持，股價今朝平開後轉跌，但之後一度倒升，高見199元，泡泡瑪特股價不斷破頂，今日終於傳嚟股東減持消息，但跌幅唔算大，淡友係咪繼續坐貨？多唔多人開好倉？
中銀國際證券衍生產品部董事朱紅指，泡泡瑪特近日推出新一代Labubu盲盒，再引爆新一波搶購潮，股價表現真係一枝獨秀，股價今年以嚟已累升逾2倍，雖然今朝傳出有股東減持套現，但股價冇太大反應，今朝有較多投資者留意泡泡瑪特PUT輪，可能條款較適合依家嘅市況，例如行使價120元，今年9月左右到期，CALL輪條款反而唔太吸引。
