【Now財經台】藥明康德(02359)首季業績強勁，多賺近90%至36.7億人仔，股價今日(29日)收市升逾4%，報60.65元，係表現最好藍籌之一。藥明康德近年積極減持唔同資產，包括去年向美國醫健投資基金公司出售ATU業務，此外，集團減持藥明合聯(02268)逾11%股權，持股量降至約22%，減持可以減輕風險及增加收入，藥明康德未來係咪應該要繼續減持？
信達國際研究部董事趙晞文指，中長期會繼續減持，但唔需要心急散貨，因為藥明系對藥明康德嚟講係一種投資，所以公司都要考慮喺合適嘅時間點先會出售，而出售ATU業務除咗因為地緣政局嘅因素，亦因為ATU業務一直蝕錢，基於盈利因素嘅考量而將其出售，估計未來會優化客戶結構，加大歐洲及內地客戶嘅佔比。
