【Now財經台】內地第1季國內出遊近18億人次，花費按年升18%，不過，似乎未有利好旅遊相關股，其中，攜程集團(09961)今日(24日)受壓，下星期就係「五一黃金周」，會唔會多咗好友進場？
星展香港環球金融市場上市產品主管周國威指，攜程股價過去逾1個月都跑輸大市，近期跟隨大市彈上400至450元區間，同一個板塊嘅同程旅行(00780)股價反而偏强，甚至創近年高位，攜程就相對落後，所以過去5個交易日累計有逾300萬元資金流入好倉，反映投資者一方面見到就快到「五一黃金周」，另一方面公司股價相對偏弱。
Dick又表示，條款方面，投資者可以揀返啲輪價細少少，價外約30%至50%，年期可以揀返長少少，年底或明年初到期嘅CALL，如果真係炒「五一黃金周」行情，時間值損耗就相對低，因為普遍年底先到期，可以考慮行使價600至700元，槓桿有倍，年底到期嘅CALL輪。
