【Now財經台】阿里巴巴(09988)係近日反彈較慢嘅個股，上周一(7日)嘅下跌裂口仲未補返，今日(17日)就受制10天線，阿里股價今朝跟隨大市向上，一度高見108.4元，升近3%。阿里資金流非常活躍，5日合計，好倉有6470萬元坐貨，今日多唔多投資者追好倉？應該點擺位？
花旗上市衍生產品部副總裁麥穎儀指，阿里股價近期喺105元水平徘徊，相信投資者會喺100元水平積極開CALL，條款方面會揀槓桿較高產品，做中線部署，例如槓桿7倍至8倍，8月到期，時間相對可控，亦唔算太短身。
佢又話，北水已連續多日入場部署阿里，由於美國關稅對科網股影響較細，如果投資者想逢低儲貨，除可留意遠價牛證，如果想兼顧槓桿，亦可留意槓桿6倍至7倍嘅熱門CALL做中線部署。
