【Now財經台】快手(01024)股價跟隨大市連升6個交易日，但今日(16日)一度大跌近7%，跑輸大市，不過，集團旗下生成式圖像及視頻人工智能(AI)模型「可靈AI」昨日(15日)宣布升級，係10個月內發布嘅第9個版本，新版「可靈AI」幫唔幫到快手股價？
元宇證券基金投資總監林嘉麒指，「可靈AI」嘅進步係可見的，基本上每個月都出新版本，但資本市場會重點留意公司有冇商業計劃或其他目標，因此，即使「可靈AI」有新版本都未必安撫到投資者，如果成效未令人滿意，就算有AI概念，股價都炒唔起。
KK續指，電商都要睇做邊瓣，如果做平台，只係賣貨及收佣，就會留意京東集團(09618)、阿里巴巴(09988)、拼多多，如果好似快手透過直播做營銷，受惠程度會較大，因為零售市場依家「內捲」嚴重，加上競爭好大，如果要做多啲推廣，就要揾多啲主播去做銷售，令快手利潤率、毛利及盈利做得較好。
