【now.com財經】關稅呢單嘢大家都預咗，其不過係唔知呢粒彈射程同力度有幾強。通常呢啲咗嘅新聞同出業績一樣，都係可以好兩極：唔再唧牙膏/夕令朝改式一次過講晒所有同關稅有關嘅政策出嚟，算是暫時呢部份明朗化咗；關稅增加令地球嘅出入口留易出現回難，加劇地球嘅經濟低迷。
今日一開恒指跌逾500點，所有嘢都真係要重新update過，還好戰友們真係有一定嘅水準，點玩已經心中有數(即使我今日掛住要做嘢唔係咁得閒睇開市，佢哋都圍爐一齊玩到)。
依家9點51分，戰友們啲好倉食咗八八九九，留返個一一二二就係等睇指數會唔會進一步爬返上去23,000點，再打多次攻防戰。
喺今朝指數低開高走嘅期間，睥到隻泡泡瑪特(09992)喺一遍紅海中著綠燈，猶如柒黑中嘅瑩火蟲一樣。下個恒指季檢，如果無Popmart份嘅話，都真係欠你一個「膠袋」。日線圖計見佢五條主要平均線都順序，屬中長線利好訊號，但可以等等股價再踩住線，確認再來一浪高於一浪嘅姿態上行先至再追。
10點後嘅小時圖其實都無啲乜嘢可以睇得到，只係見保歷加通道底線向下拓闊，暫時高位見22,962點，連噚日低位22,980點都掂唔到。
換上日線圖則見指數目前坐住喺50線位置，作戰室今朝先好，依家淡緊。
恒指熊(62004)，收回價23,300點，同現價有約400點都真係近架啦，槓桿有約44倍夠做Day Trade，用五分鐘圖嘅Slow STC(14.3)嚟做Swing可以，留意依家五分鐘圖指數有似被10線壓住唔過，迫指數再向下行的話，咁就要Mark實指數於10線同保歷加底線行Swing啦。
小心日線50線位置先
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
