【專家分析】泡泡瑪特唔會成貿戰「炮灰」

【Now財經台】泡泡瑪特(09992)今日(26日)中午出咗業績，去年收入按年大升逾1倍至130億人仔，盈利更飆1.8倍，公司提及會繼續發展海外市場，今年會強攻北美、東南亞及歐洲，但中美貿易戰持續升級，會唔會影響泡泡瑪特海外發展大計？

南華金融集團副總裁莫灝楠認為，唔使太擔心貿易戰風險，因為泡泡瑪特業務嘅技術含量唔高，唔一定要喺內地設廠生產，可以喺唔受貿易戰影響嘅國家開設玩具代工廠，再銷售到海外市場。

佢又話，最新出爐呢份業績提及，存貨周轉日數及應收款項周轉日數愈來愈短，其中，存貨周轉日數，即產品由生產到售出只需102日，反映公司周轉速度高，所以唔使太擔心泡泡瑪特受貿易戰影響。