【Now財經台】截至早上10時45分止，1小時內《彭博》搜尋量最多港股，依次為紫金礦業(02899)、中遠海控(01919)、中國石油化工股份(00386)、美團(03690)及綠城中國(03900)。
紫金交咗一份靚業績，去年多賺逾50%，末期息大增40%至28分人仔，同業招金礦業(01818)今朝(24日)開市前宣布折讓配股，紫金會唔會跟隊「抽水」？
富昌證券聯席董事譚朗蔚指，依家金屬行業景氣穩定，加上金價不斷攻頂，短線繼續睇好金價走勢，不過，銅、鐵始終受制於經濟活動及需求，雖然近期有炒作，但暫時適宜繼續觀望。
佢又提到，依家行業似乎爆「抽水潮」，建議投資者要小心做部署，招金宣布配股後，股價今日反覆向下，如果睇好紫金，可以考慮喺17元水平做防守性部署。
