【Now財經台】太古地產(01972)今日(13日)中午派咗去年成績表，業績由盈轉虧，轉蝕逾7.6億元，基本溢利按年大跌42%。值得留意係，集團去年15億元股份回購計劃，最終只係用咗一半，今次業績亦冇再提及回購，太地股價今日放榜後仍有得升，後市又會點行？
艾德金融執行董事陳政深指，雖然回購及股東增持會對股價有明顯利好，但公司嘅價值始終要靠基本因素推動，尤其呢類投資者會著重長遠投資價值嘅企業，因此，業績及宏觀環境對公司嘅影響，會比回購更大。
Ryan又話，睇返太地股價技術方面，雖然大幅跑輸大市，但其實已開始轉強，估計有機會升至18元水平。
