【Now財經台】深交所昨日(10日)公布，將多點智數(02586)納入港股通，但股價昨日不升反跌，收市重挫近15%。不過，今朝(11日)低開近2%後，好快已倒升，一度爆升40%，高見12.84元。成交股數逾1900萬股，半日成交金額逾2.2億元。
多點智數股價今日喺大成交下抽升，相信係因為獲納入港股通，令資金再留意返呢隻股份都唔出奇。
集團將於下周二(18日)出全年業績，相信資金係偷步炒作全年虧損有機會收窄，現價較上市價30.21元，仍「潛水」逾57%，未來可以收復幾多失地，先睇業績表現，之後就要留意6月初嘅半年禁售期屆滿，有意跟風短炒嘅投資者要望實呢啲重要日子。
