【Now財經台】中煙香港(06055)股價今日(7日)高開近2%後，沽盤湧現，股價隨即掉頭向下，並愈跌愈多，一度重挫11%，低見24.3元，成交股數較過去100日同時段平均增逾5倍。
中煙去年多賺43%至8.53億元，表現好過盈喜，亦略勝市場預期，整體毛利率升至約10.5%，係首度錄得雙位數。
中金發報告唱好中煙，話睇好公司前景，調高今年盈利預測至9.4億元，2026年更預期會突破逾10億元。
不過，中煙股價其實已提前反映咗業績因素，上月已創咗新高，高見30.3元，今日一口氣失守多條移動平均線，包括50天及100天線，後者依家喺25元水平，中煙展開升勢以來100天線一直守得住，如果真係收復唔到，股價有機會下試要20元水平。
