【Now財經台】巨子生物(02367)股價今早(5日)高開1%後，升幅一度擴大至7%，高見69.55元，創新高，升勢亦有成交配合，成交股數較過去100日同時段平均增約2倍。
巨子生物旗下品牌「可復美」2月中推出新產品，當時股價首度突破60元關口，花旗睇好產品嘅新專利可以拓展到更專業及精準嘅護理領域，有助集團拓展收入來源，上調目標價至68.2元，股價短短1個星期已到價。
巨子生物股價今日升上69元水平，相當於40倍以上市盈率(PE)，遠高於過去1年平均水平，所以現價估值絕對唔平。
此外，多家大行睇好巨子生物股價，按今年預測PE逾20倍計，最樂觀嘅富瑞睇80元，滙豐證券及麥格理睇70元或以上。
《彭博》綜合大行預測，估計集團今、明兩年盈利分別增長近40%及30%，相信3月底公布嘅全年業績，將會係未來股價嘅關鍵。
