【Now財經台】新意網集團(01686)今早(13日)輕微高開後，早市一直變動唔大，不過，股價午後突然抽升，喺成交湧入下，股價一度大升17%，高見5.27元，收市報4.88元，升逾8%，成交較過去100日平均增3倍。
公司主要在港經營數據中心，國產人工智能(AI)熱潮炒咗咁多日，新意網股價都跟隊向上，交銀國際估計，新意網月底公布嘅業績，收入將錄得高單位數增長，又睇好旗下將軍澳數據中心MEGA IDC投入營運後，貢獻將會增加。
睇返技術走勢，新意網股價一度突破近2年半以來，4.9元至5元嘅阻力，但收市企唔穩，大市已出現掉頭訊號，新意網趕得切搭呢浸升浪尾班車，始終有得升總好過冇，但如果再高追就要諗清楚。
