【Now財經台】美國郵政(USPS)昨日(5日)彈弓口，最初話收內地及香港包裹，同日夜晚又改口撤回停收措施，阿里巴巴(09988)股價今早(6日)反覆靠穩，資金今早普遍揀輕微價外嘅CALL，行使價98元至99元，屬於較短身，槓桿6至7倍，博到價嘅爆發力，還是揀長身CALL，行使價可以擺遠啲？
星展香港環球金融市場上市產品主管周國威指，如果揀阿里短身CALL，槓桿有6至7倍，大前提係阿里要keep到長假期前嘅上升動力，但A股昨日復市後，北水即沽貨獲利，而阿里股價喺100元水平有阻力，短身CALL缺點係時間值損耗好快，而過去兩周引伸波幅都抽高咗唔少，所以喺動力唔係特別強之下，未必適合揀短身CALL。
佢又話，阿里長身CALL，2026年到期，價外10%至20%，槓桿3至4倍，值博率較高，適合部署阿里中長線升浪。
