【Now財經台】內地人工智能(AI)公司DeepSeek以更低成本研發出媲美OpenAI嘅AI大模型，成功喺中美爆紅，更令科技股成追捧對象，其中，騰訊控股(00700)股價今早(28日)高開逾1%後，升幅一度擴大至2.6%，高見406元。今朝成交活躍嘅騰訊CALL，價外26%至34%，行使價510至540元，仲有約100日到期，槓桿7至8倍，揀唔揀得過？
中信證券國際股權衍生品銷售經理李碧珊指，DeepSeek消息可以帶動港股科網股重新獲資金關注，騰訊股價今朝上返400元水平，回補2025年初嘅下跌裂口，反映有投資者想博長假期後追落後。
Percy認為，依家熱門騰訊CALL普遍約3個月後到期，如果喺長假前做部署可能會太短身，佢建議投資者如果想喺長假前做部署，宜揀中長年期，即今年6月或7月，甚至到期時間更長嘅CALL，價外幅度約20%至30%，槓桿8倍。
