【Now財經台】截至早上11時止，1小時內《彭博》用戶搜尋量最多港股，依次為新世界發展(00017)、長飛光纖光纜(06869)、亞盛醫藥(06855)、小米集團(01810)及安踏體育(02020)。
小米及手機設備股今日(24日)今日齊齊炒上，其中，舜宇光學科技(02382)及小米係表現最強勢藍籌，早前消息面都係以手機設備上游為主，依家連小米都炒起，係咪因為手機設備股板塊基本面唔差，借勢炒多浸？
大華繼顯執行董事梁偉源指，今日(24日)除咗人工智能(AI)概念股炒起，手機設備股、電動車及機械人概念股亦有得升，小米喺呢幾方面都有一定業務，手機業務受惠於手機補貼、電動車銷售理想，公司亦開始發展AI，所以今日大市向上，由於小米利好因素多，所以成為炒作焦點，小米今日價量齊升，後市有力突破前高位。
