【Now財經台】農曆新年好快就到，內地為期8日嘅春節長假期會喺下周二(28日)展開，所以出行類股份走勢唔錯，其中，攜程集團(09961)股價今日(21日)一度升2.6%，高見545元，依家多家大行睇600元以上，都算幾進取，攜程股價可唔可以借農曆新年效應創新高？
天風國際證券經紀業務部董事李偉傑指，近期攜程股價跟隨大市反彈，之後市場會炒作農曆新年概念，應該會利好出行股。Jason估計，農曆新年期間，攜程股價有機會見565元至570元，但要挑戰更高水平，就要等集團公布2024年業績，睇返集團去年首3個季整體毛利率逾80%，全年應該都有好表現，相信股價仍有向上動力。
