【Now財經台】港交所(00388)好倉受追捧，最少連續5個交易日有資金流入，5日合計有1335萬元資金坐貨，港交所股價今朝(21日)上試50天線，一度高見297元，升逾1%。熱門嘅港交所CALL都係短身，2025年5月到期，行使價350元至370元，呢個係2024年10月初高位，到價機會高唔高？
獨立股評人黃偉豪指，踏入2025年，大市氣氛冇去年咁旺，成交亦唔多，所以股價好難上返去年10月高位，雖然今朝上試50天線，但似乎有啲阻力，若突破唔到50天線，投資者可以等股價落到285元樓下，再部署好倉博反彈。
