【Now財經台】碧桂園(02007)之前出咗2023年及2024年中期業績,已達成復牌指引,股份今朝(21日)復牌,雖然內房危機持續,但近日市場氣氛好轉,碧桂園復牌後,股價表現會唔會比想像中好?
高富金融集團投資總監梁偉民估計,碧桂園復牌唔會特別好,成功復牌純粹係公司做返年報,滿足復牌要求,基本面冇任何改善,財政問題仍然嚴峻,停牌期間甚至不斷惡化。雖然停牌期間中央不斷出招救內房,例如減息、撤銷限購等,但呢啲政策其實對陷財困嘅房企冇任何幫助。
Wyman又話,碧桂園過去1年銷售表現好差,除非政策對集團財困問題有支持,令市民有返信心,集團先可以周轉到。佢又話,一旦碧桂園瀕臨破產邊緣,股價更加難向上。