【now.com財經】天氣再凍過，晨咁早已經要開暖氣比我家肥貓，是但啦，少少電費好過佢冷親同佢去睇醫生；大家都著多件衫好過病呀~
依家9點15分，恒指仲行緊U，但想睇咗個日線圖先。星期一(13日)指數低見18671點，陰陽燭圖上「錘頭」，以呢粒起計埋左同右各一粒燭的話，「早晨之星」有見，隨後恒指上行至噚日中軸線前出「陀螺」，Slow STC(14.3)未轉向嘅，不過今日都可以見Mark定條中軸線。
恒指開市微落23點，開市報19,499點，呢口價真係Plan唔到啲乜出嚟，唯有等指數開市後比出方向先至再算。
及至正式開市後，有見指數開始向下再落，五分鐘圖先過咗噚日行咗半場嘅區間位底線後再向50線出發，淡倉即去近近地先望小時圖10線，或者數住格仔走人。
依家只係開咗市16分鐘，作戰室淡倉都食得八八九九；雖然我音力係睇指數(懶嘛~)，不過間中都會喺作戰室執到啲個股出嚟玩，好似噚日咁就執咗隻網易(09999)出嚟，今日基本上都可以收成。
今日見網易開市後即一支大陰燭向下落到小時圖嘅中軸線，作戰室網易淡倉都玩碣箏策略，沽半先食再留半等睇過唔過中軸。
反而呢一注有啲想借佢個日線圖去做，皆因噚日見佢裂口高開但低走出淡倉，今日再嚟多支陰燭兼Slow STC(14.3)開始有見轉向下。3分鐘後10點等睇埋佢穿唔穿小時圖嘅中軸線先。
10點前恒指忽然發力，跌轉向向上破埋小時圖嘅100線，睇多次個網易小時圖，未見向下過中軸，但都唔覺得佢有啲咩力上。
網易熊(54644)，收回價170元，同現價有約16.8元嘅距離，約8.5倍槓桿夠架啦，唔駛咁近。小時圖向下穿到中軸/五分鐘圖有見10線頂住股價唔再上嘅話先至出動，極貪心係想借個日線圖嘅Slow STC(14.3)向下再落，但係要過weekend之餘...網易熊講完我都覺得凍(冷門)，注碼上留意一下啦！
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
