【Now財經台】小米集團(01810)股價連跌兩日後，今朝(10日)一度反彈，重上34元，但之後又跌過，暫時受制10天線，小米資金流仍以好倉較活躍，最少連續5個交易日有資金流入，合共有6200萬元坐貨，熱門CALL有唔少選擇，大部分喺2025年上半年到期，槓桿約5倍，價外17%至34%，點揀會較值博啲？
星展香港環球金融市場上市產品主管周國威表示，小米距離20天及50天線仍好遠，所以股價應該仲有得升，至少2025年初都可以持續，若小米守得住10天線，值博率係高過其他科技股。
條款方面，小米市場差異性唔大，股價喺呢兩個月持續破頂，出新產品需時半年，依家市場熱門CALL行使價喺40元水平，實際槓桿4至5倍，但投資者要留意，如果喺近36元至37元高位，見到個別CALL累積好多街貨，呢批CALL就會變成蟹貨，如果投資者想撈底要避開呢批CALL。
