【奴役風波後！】傳比亞迪工人用非法簽證去巴西建廠

【Now財經台】內地電動車龍頭生產商比亞迪股份(01211)繼上個月喺巴西發生有百幾名由外判商請返嘅工人，被指畀巴西勞工部門揭發「類似奴役的條下工作」事件後，市傳集團又喺巴西「出事」。

據《路透》報道，巴西檢查人員指，比亞迪引入幾百名揸住非法簽證嘅中國工人，去到當地興建廠房，又指集團承諾留喺巴西嘅工人，必定會遵守當地嘅勞動法。

報道又引述接近公司人士指，比亞迪認為呢啲工人嘅係獲得正確簽發，而所有員工都係自願去巴西工作。