【Now財經台】雅視光學(01120)股價今朝(8日)平開後，好快就轉跌，一度大跌近13%，低見1.29元，直至早上約10時點50分，資金突然湧入，股價一度倒升逾9%，高見1.62元，股份平時成交非常疏落，繼股價昨日(7日)喺大成交下抽升後，今日早段成交逾100萬元，成交股數逾71萬股。
雅視光學股價昨日突狂飆64%，公司喺收市後出通告，指跟有意合作嘅伙伴訂立框架協議，聯手開發智能眼鏡及虛擬實境相關光學配件。不過，有關磋商仍處於初步階段，最終未必會達成正式協議，而合作細節內容亦冇披露。
集團又話，有機會拓展智能眼鏡業務係一個正確發展方向，但始終仍未成事，導致股價一度受壓，不妨留意未來事態發展。
