【Now財經台】騰訊控股(00700)再遭南非大股東Naspers減持，令股價持續受壓，並跌至3個月低位，昨日(7日)有逾9000萬元資金流入好倉，5日合計，係最多資金流入嘅個股，騰訊股價繼昨日(7日)重挫逾7%後，今早(8日)一度再跌近3%，投資者可以點部署？
中銀國際證券衍生產品部董事朱紅指，除咗南非大股東減持，市場都關注美國國防部周一(6日)將騰訊列入「中國軍事企業名單」，導致股價大幅調整，集團指會向美國國防部啓動復議程序。
Niki建議投資者唔好揀太短期嘅條款，因為依家股價仲未跌定，雖然短期條款槓桿高，但如果之後股價唔反彈，風險就會較大，建議可以揀行使價480元嘅CALL，2025年9月到期，槓桿約7倍，如果想反手開PUT，可以留意行使價320元，今年6月到期，槓桿8倍，都比較適合現時市況。
