【Now財經台】創夢天地(01119)股價今朝(7日)高開近6%，升幅一度擴大至逾15%，高見1.98元，不過高位回套壓力大，成交金額逾7700萬，成交股數逾4千萬股，較過去100日同時段平均成交增加7倍。
集團股價今日大升，主要係公司計劃做回購，因認為股份價值被嚴重低估，成交又反映唔到內在價值，創夢天地又話，公司財務及業務狀況良好，有能力做回購嘅同時，亦可以維持業務快速發展。
但值得留意係，公司基本因素其實一般，過去幾年，全年計都要蝕錢，2024年上半年又由盈轉虧，睇下公司計劃做回購係咪可穩住股價。
