【Now財經台】優必選(09880)上周宣布主席周劍同幾名高層解除一致行動人士協議，但主席承諾延長禁售期1年，市場仍憂慮其他股東會減持，消息一出，集團股價單日急瀉逾30%，並跌足4日，累跌51%，到今日(6日)先出現反彈。依家主席以外嘅一致行動人士合共持股12%，當中3名股東承諾未來1年唔減持，但2名冇表態股東會唔會係隱憂？
《香港股票財技密碼》作者梁杰文認為，事態發展有啲失控，認為股東之間協調性唔係咁好，可能係佢哋喺2024年12月「拆夥」後，見股價幾穩定及市場反應唔大，但冇諗過消息一出，同埋個別股東掟貨會散震股價。
Mike續指，另一方面可能係前期投資者見股價升至逾90至100元水平就有減持誘因，但冇諗過股價喺短短半個月內「腰斬」，可能令原本想減持嘅股東改變主意，並延長禁售承諾。
至於2名冇表態及持貨較多嘅股東，Mike覺得市場解讀得比較負面，尤其是...
