【Now財經台】本港新股市場繼續熱鬧，陸續有公司排隊交上市申請，包括曾經喺2023年10月傳過想嚟香港掛牌，內地最大中式連鎖快餐店「老鄉雞」，公司喺2024年8月又傳出想喺A股上市，最新已經向港交所(00388)遞咗上市申請，中金及海通國際做聯席保薦人。
睇返初步招股文件，依家「老鄉雞」喺內地53個城市，有逾1400家門，有直營門店及加盟門店，公司2024年首9個月賺逾3.6億人仔，按年增長逾3%，期內營業額按年增長逾11%，毛利率逾23%，毛利就增長逾10%。
原來「老鄉雞」唔係原名，公司2003年喺安徽合肥開業時係用另一個名，去到2012年公司將品牌升級，就將店舖名由「肥西老母雞」改為「老鄉雞」。
