【Now財經台】騰訊控股(00700)係昨日(2日)5日合計最多資金流入嘅個股，好淡倉兩邊都有資金流入，近期騰訊好倉嘅熱門產品都係比較進取，如果想短炒應該點部署？
法興證券上市產品銷售部董事周翰宏指，騰訊股價近期偏強，依家喺415元水平上落，間中炒微信「送禮物」概念可上試430元，所以投資者可以趁股價跌部署CALL或牛證。
Horace提醒，條款方面唔好揀得太短期，可考慮部署年期長嘅CALL，例如今年4月或年中到期，行使價約480元，價外約15%，槓桿8倍，如果唔想承受太大風險嘅投資者，可以考慮遠價牛證，收回價約380元， 槓桿10倍，收回距離8%。
