【Now財經台】截至早上11時止，過去1小時內《彭博》搜尋量最多港股，世茂集團(00813)、建設銀行(00939)、農業銀行(01288)、中國石油股份(00857)及東方海外國際(00316)。
雖然市傳世茂劈價25%放售位於東涌嘅酒店，但最近本港零售及旅遊業仍比較弱，係咪即使劈價都好難甩手？依家有唔少資產喺市場放售，相比之下，酒店項目係咪較商廈易賣得出？
富途證券首席分析師譚智樂指，大型物業交投比較疏落，而東涌嘅經營模式變化較大，可能有估值落差風險，佢認為情況較複雜，建議投資者再觀望，睇下項目賣唔賣得出再做部署，現階段不宜沾手，整體嚟講係博唔過。
Arnold又認為，難唔難甩手同資產類型冇關，現時賣資產嘅公司都有共通點，就係有債務問題，希望透過出售資產改善流動性，所以喺現時嘅經濟環境下，買賣資產嘅消息都好難視為炒作，或提升估值嘅利好因素。
