【Now財經台】騰訊控股(00700)旗下微信小店日前宣布測試「送禮物」功能，快手(01024)股價今日(23日)失守所有主要移動平均線，一度低見42.05元，跌1.6%，跌至逾3個月低位，市場上嘅CALL都係價外40%，甚至70%，距離收回價8%至10%，槓桿4倍至7倍，部署牛證係咪較值博？
滙豐亞太區財富管理香港上市產品銷售經理盧貴良指，騰訊部署重返電商嘅消息，拖低快手股價，成交活躍嘅條款都較為價外，受歡迎嘅條款行使價72元，以現價計，價外70%，想做好倉部署嘅投資者，不妨考慮行使價59元嘅CALL，因為變價內嘅機會較高，9月到期，實際槓桿可做到4倍，如果想博更高槓桿，就可以選擇牛證。
