【Now財經台】網易(09999)股價近期自低位回升逾20%，集團之前預告今個月有兩款新Game上線，其中，《漫威爭鋒》(Marvel Rivals)已經喺上周五(6日)全球免費上線，用家正評比率高達76%，初步反應理想，網易股價係咪值得睇好？
博威環球證券金融首席分析師聶振邦指，網易前景理想，新Game可以喺多個平台體驗，除咗可以直接購買，亦有免費版本吸引大量玩家下載，之後再提供唔同課金機會提升遊戲體驗。據網易公布，《漫威爭鋒》喺短短72小時，玩家人數已突破1000萬，《漫威爭鋒》另1個賣點係可以吸引到一眾Marvel fans關注。
聶Sir又指，網易另1款有中國歷史背景嘅新Game《燕雲十六聲》將會喺12月27日上線，除咗內地玩家，亦有機會出現好似《黑神話:悟空》嘅爆紅情況，吸引海外玩家，如果公測成功，相信網易未來會善用古代亂世背景，設計更多相關遊戲，因此，睇好網易股價有力挑戰160元。
