【Now財經台】網上流傳一篇疑似係網易(09999)深圳遊戲部門嘅員工「感言」，話自己「唔係第1個嚟嘅人，但成為最後一個離開嘅人」，佢又upload咗幾張圖片，見到office被「清空」。另有網易遊戲部門前員工話，網易深圳其實前年開始已經冇再請人。
不過，今日有接近網易嘅人士向內媒透露，網傳網易深圳遊戲業務部門「被滅」係流料，又話只係針對1款產品嘅常規調整，好多同事已轉到其他產品。
網易股價今日造好，一度高見135.6元，升2.4%，期後升幅收窄，最新報134.5元。
【股價點反應？】網傳深圳遊戲部門「摺埋」 網易消息人士話流料
【本地】 2024/11/29 15:12
