【now.com財經】仲有兩個星期左右就到聖誕節，作戰室上個星期已經掟咗隻「聖誕鐘買滙豐」出嚟；實物嘅噚日都喺順豐(06936)托運咗寄出去；等緊恒指行開U盤嘅時侯撳個Code Check返，已經到咗要寄嘅區份，咁應該今日都會寄到比朋友。
仲有3分鐘之後先至完U，一早喺作戰室同戰友睇返啲圖同今日嘅街貨圖，重熊同重牛區分別喺20,000至20,099點同19,000至19,099點，度返上日線圖嘅話，指數喺呢個範圍都玩咗成個月；蓋日線圖見Slow STC(14.3)兩線都上到80以上超買範圍，唔通今年都唔會再見多次2,000點？
指數今朝跌133點開市，報19,732點，雖然呢個開市點數變幅係有得順到U盤方向再去，反正五分鐘圖嘅Slow STC(14.3)都只係落到中軸位，同時五分鐘+小時圖呢兩個時軸圖上靦有三絛平均線都喺19,700點附近。所以今朝索性Mark住呢個個，等指數落到呢個位之後就掟注好倉出去，博指數行低開高走。
10點後見指數一口氣高衝上19800點樓上，作戰室今朝嘅好倉紛紛出嚟開餬，理得佢先食第一注正數今日開心下先。
依家10點7分，暫時仍見指數喺小時圖上企高於150線/19,806點，同戰友再追好倉到依家10點15分見指數係咁上，五分鐘圖嘅Slow STC(14.3)都上到超買位，只不過小時圖依家開始先入到上到。
恒指牛(62971)，收回價19,400點，同現價有約380點距離，槓桿約43.9倍，無街貨係最吸引。但要稍等五分鐘圖嘅Slow STC(14.3)鬆一鬆先至出場比較安全。進取嘅留意指數喺五分鐘圖上見有踩住線嘅就出動啦！
作者阿珊，以技術分析專心玩輪證，唔貪心，努力賺取我家肥貓罐罐。
