【Now財經台】騰訊控股(00700)係5日合計最多資金流入嘅個股，但昨日(18日)就轉為流出約1400萬元，騰訊股價今朝(19日)高開後，一度高見409元，升逾1%。騰訊熱門CALL普遍價外逾4%，約3個月就到期，槓桿7倍至8倍，如果槓桿差唔多嘅牛證，收回價距離現價10%，牛證係咪比較值博？
滙豐亞太區財富管理香港上市產品銷售經理盧貴良指，騰訊股價近期喺400元徘徊，引伸波幅持續下跌，唔少好倉投資者都留意騰訊可唔可以守住400元呢個心理關口，CALL輪資金就兵分兩路，部分留意較價外嘅CALL，例如行使價590元，價外40%，呢類CALL受歡迎可能因為輪價較平。如果諗住長坐可以考慮...
