【Now財經台】今日(18日)係互聯互通10周年嘅大日子，呢個機制累計為港股帶嚟逾3.4億元資金。港交所(00388)行政總裁陳翊庭接受《彭博》訪問時，形容呢個只係開始，但就唔回應下一步會唔會納入首次公開招股(IPO)市場。
博威環球證券金融首席分析師聶振邦指，睇返互聯互通過去10年嘅發展，係希望鼓勵投資者做中長線投資，至於新股市場方面，由於較多投資者傾向投機及炒作，所以好難確認投資者認購新股嘅目的。
佢又指，因為互聯互通以吸納資金為主，係希望資金留係港股，唔希望經常流出流入，因此，佢估計未來1至2年IPO納入互聯互通嘅機會唔大。
聶Sir又指，若有大型A股及內地企業來港上市，呢啲股份納入互聯互通嘅機會相對大，原因係...
