【Now財經台】阿里巴巴(09988)上季多賺58%，但經調整盈利就按年跌9%，業績後大行紛下調目標價或預測，股價今早(18日)低開後，一度低見85.3元，跌逾2%，曾下試100天線。業績後窩有咩變化？放榜前好倉一直有資金流入，業績麻麻多唔多投資者投降？還是見股價近期跌得多繼續坐住等反彈？
星展香港環球金融市場上市產品策略師鍾宛婷指，阿里業績後引伸波幅回落咗1至2個窩point，其實市場都預咗業績唔會有驚喜，資金就繼續博好倉，但睇返基本面都冇乜期待，依家主要睇股價喺100天線有冇支持，又或者大市會唔會反彈，始終阿里喺ATM之中相對落後，見到投資者都係小注一啲「細細粒」嘅輪證，例如行使價123元，明年4月到期嘅CALL，由於換股比率較大，槓桿做到5倍以上。
